Tragjedi kosovare: Kemi ngrënë mish që ka qëndruar i ngrirë 12 vjet në Belgjikë

23:35 / E martë, 13 Mars 2018

 

Mishi që është eksportuar në Kosovë nga thertorja belge, Veviba, ka qenë nganjëherë deri në 12 vjet i vjetër, ka raportuar “Het Laatste Niuews”, të martën.

Sipas gazetës flamane, në një dokument gjykate thuhet se një kamion me mish të Vevibas nga Bastogne ka mbërritur në Kosovë më 19 shtator 2016.

Shumica e banderolave të produkteve ishin të shqyera, por në ato që nuk ishin dëmtuar, shkruhej se mishi ishte i vitit 2004, raporton “The Brussels Times”.

Është bërë po ashtu e ditur se një pjesë e mishit ka ardhur nga thertoret në Izegem dhe Harelbeke, dhe se është ripaketuar në kuti që bartnin logon e Vevibas.

Në të njëjtin muaj, Agjencia Federale për Siguri të Ushqimit është kontaktuar dhe është njoftuar për zbulimin e bërë nga autoritetet kosovare gjatë një inspektimi të mishit.

Gazeta ka kontaktuar një profesor në Universitetin e Gentit, Bruno De Meulenaer, i cili ka thënë se mishi i ngrirë për 12 vjet nuk përbën doemos rrezik për shëndetin, të paktën “nëse ngrirja nuk ka pësuar ndryshime dhe nëse mishi është ruajtur vazhdimisht në temperatura minus 18 gradë Celcius”.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400