Vendimmarrja për vizat nis në vjeshtë

09:21 / E premte, 20 Korrik 2018
Ministrja e Integrimit Evropian, Dhurata Hoxha, ka thënë se procedurat e mëtejshme të vendimmarrjes në Parlamentin Evropian dhe në Këshillin e Ministrave do të nisin në vjeshtën e këtij viti. Ajo është shprehur e sigurt se procesi i liberalizimit të vizave me BE-në do të përmbyllet sivjet.

Pavarësisht se Komisioni Evropian (KE) publikoi para dy ditësh rekomandimin pozitiv për vizat, procesi i liberalizimit për Kosovën ende nuk ka përfunduar.

Përkundrazi, për të ardhur deri te heqja e regjimit të vizave duhet të jepet edhe “drita jeshile” e dy institucioneve të tjera të BE-së, Parlamentit Evropian (PE) dhe Këshillit të Ministrave.

Teksa ka folur lidhur me këtë çështje, Ministrja e Integrimit Evropian Dhurata Hoxha ka thënë për gazetën “Zëri” se procedurat e mëtejshme të vendimmarrjes në këto dy institucione do të nisin në vjeshtën e këtij viti.

Me këtë rast ajo është shprehur e vendosur se ky proces do të përmbyllet sivjet.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400