Zëvendësministrat e MI-së, u takuan me kryetarin e Kaçanikut

17:31 / E enjte, 01 Shkurt 2018

 

Zëvendësministrat e Infrastrukturës, Rexhep Kadriu, Idriz Selimaj dhe Fehmi Mujota, u takuan me kryetarin e Kaçnikut, Besim Ilazi dhe nënkryetarin e kësaj komune, Ylber Bajra, me të cilët kanë diskuatuar për projektet aktuale dhe ato të reja që do të implementohen në këtë komunë.

Zëvendësministri i Infrastrukturës, Idriz Selimaj, e ka njoftuar kryetarin Ilazi, lidhur me projektet që janë duke u realizuar në këtë komunë, duke rikonfirmuar qëndrimin e ministrit, Pal Lekaj, se të gjitha projektet e filluara do të përfundohen, pa lënë anash zotimin e ministrisë edhe për projektet e reja që do të realizohen.

Ndërkaq zëvendësministri Kadriu, e ka siguaruar kryetarin Ilazi, se Ministria e Infrastrukturës, do ti përkrahë të gjitha komunat njësoj, aq sa lejojnë mundësitë buxhetore dhe ligjore, në të gjitha ato projekte që ndikojnë në zhvillimin e komunave dhe mirëqenjen e qytetarëve të vendit.

Kurse, zëvendësministri Mujota, ka ritheksuar vendosmërinë e ministrit Pal Lekaj, që të respektohet disiplina finaciare e Ministrisë së Infrastrukturës.

Kryetari i Kaçanikut, duke i falenderuar zëvendësministrat dhe Ministrinë e Infrsatrukturës, për gatishmërinë e treguar në përfundimin e projekteve të nisura në mandatin e kaluar dhe fillimin e projekteve të raja në komunën e tyre, ka shprehur gatishmërinë për bashkëpunim në realizimin e të gjitha projekteve të parapara për këtë komunë.

Ndërkaq nënkryatri i Kaçanikut, Y​lber Bajra, i ka njoftuar zëvendësminitrat në mënyrë të detajuar, mbi projektet që janë në proces të realizimit dhe mbi projektet e raja që ata i kanë paraparë ti realizojnë në vitin 20018-të.​

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400