Zvicra vazhdon të mbështesë Kosovën në sundimin e ligjit

19:04 / E martë, 14 Nëntor 2017

 

 

Ministri i Drejtësisë, Abelard Tahiri, ka takuar sot ambasadorin e Zvicrës në Kosovë, Jean-Hubert Lebert, me të cilin kanë diskutuar për prioritetet në sektorin e drejtësisë, reformat në fushën legjislative, me theks të veçantë në avancimin e kornizës ligjore në fushën penale dhe civile.

Tahiri, sipas njoftimit, ka shprehur përkushtimin për fuqizimin e sundimit të ligjit, krahas pritjeve të qytetarëve dhe modeleve më të avancuara demokratike.

“Gjithashtu ministri Tahiri e njoftoi ambasadorin Lebert për përmbushjen e obligimeve që dalin nga Agjenda për Reforma Evropiane”, thuhet në njoftimin e MD-së.

Në njoftim theksohet po ashtu se ambasadori Jean-Hubert Lebert ka potencuar edhe njëherë mbështetjen e shtetit të tij për fushën e sundimit të ligjit dhe ka shprehur gatishmërinë e tij për bashkëpunim bilateral.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400