​Përkundër protestave, 76 ligjvënës zgjedhin kryeministrin e Armenisë

15:49 / E martë, 17 Prill 2018

Ligjvënësit në Armeni e kanë zgjedhur Serzh Sarkisian në postin e kryeministrit, pavarësisht protestave kundër këtij vendimi.

Në Parlament, 76 ligjvënës kanë votuar për, ndërkaq 17 kundër zgjedhjes së Sarkisian në postin e kryeministrit. Ai nuk ka pasur asnjë kundërkandidat.

Opozita e ka akuzuar atë se ka ndryshuar sistemin politik nga ai presidencial në parlamentar, në mënyrë që të vazhdojë të qëndrojë në pushtet.

Sarkisian ka shërbyer për dy mandate në postin e presidentit.

Gjatë një referendumi më 2015, Armenia kishte vendosur që të barte shumicën e fuqisë politike te posti i kryeministrit.

Zgjedhja e Sarkisian është kundërshtuar, duke bërë që protestuesit të bllokojnë disa nga rrugët në qendër të Jerevanit.

Më herët gjatë ditës, autoritetet armene kanë njoftuar se kanë arrestuar 29 aktivistë.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400