Akuzohet për terrorizëm dhe spiunazh, Gjykata turke mban në burg pastorin amerikan

19:43 / E mërkure, 18 Korrik 2018

Një gjykatë në Turqi urdhëroi që një pastor amerikan, i cili po gjykohet nën akuzat për terrorizëm dhe spiunim, të mbetet në burg, pavarësisht thirrjeve të autoriteteve në Shtetet e Bashkuara për lirimin e tij.

Pastori i krishterë, Andrew Brunson, i cili ka jetuar në Turqi për më shumë se dy dekada, akuzohet se ka ndihmuar një grup të udhëhequr nga kleriku mysliman, Fethullah Gulen, të cilin Ankaraja e akuzon për përpjekjen për grushtshtet në Turqi, në vitin 2016.

Brunson po ashtu akuzohet për mbështetjen e militantëve kurdë dhe, nëse shpallet fajtor, mund të dënohet deri në 35 vjet burgim, shkruan rel

Ai i ka hedhur poshtë akuzat, duke i cilësuar si “të turpshme dhe të neveritshme”.I ngarkuari me punë në ambasadën amerikane në Turqi tha se është “i zhgënjyer” nga vendimi i gjykatës në qytetin Izmir.

Seanca e ardhshme për gjykim është caktuar për më 12 tetor. Brunson ka udhëhequr një kishë protestante në Izmir dhe është arrestuar në tetor, 2016. Presidenti i SHBA-së, Donald Trump, ka kërkuar vazhdimisht lirimin e tij.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400