Athina e Selaniku “solidarizohen” me Palestinën, protesta në Ambasadat e SHBA dhe Izraelit

09:02 / E mërkure, 16 Maj 2018

Protesta të dhushme në mbështetje të Palestinës janë organizuar në kryeqytetin grek, Athinë.

Policia ndërhyri me përdorimin e granatave shpërthyese, por edhe me shkopinj gome, për të shpërndarë turmën e dhunshme. Protestuesit mbajtën flamuj të Palestinës dhe hodhën parulla kundër Izraelit.

Situata u qetësua me ndërhyrjen e shoqatave në mbështetje të Palestinës dhe disa deputetëve të Partisë Komuniste. Policia ndaloi disa palestinezë, por në vazhdim ata u lanë të lirë, pa u ngritur akuza ndaj tyre.

E njëjta situatë u pa edhe në qytetin e Selanikut, ku protestues pro Palestinës dogjën flamuj të Izraelit dhe Shteteve të Bashkuara jashtë Konsullatës izraelite në Selanik.

Opinioni grek është një ndër mbështetësit më të flaktë të kauzës palestineze. Protesta të ngjashme priten edhe gjatë ditëve në vazhdim.

Për të shmangur aktet e dhunës ndaj objektivave amerikane dhe izraelite, me urdhër të ministrit grek të Rendit janë shpallur objekte të rëndësisë së veçantë të gjitha godinat shtetërore të Izraelit, ndërsa masa shtesë janë marrë edhe për ambasadat, konsullatat, si dhe zyrat e kompanive amerikane në Greqi.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400