Autoritetet turke ndalojnë 16 persona të dyshuar për terrorizëm

19:14 / E enjte, 12 Korrik 2018

Autoritetet turke kanë ndaluar 16 persona në zonat juglindore të Turqisë të banuara nga kurdët, pas dyshimeve për lidhje me terrorizëm, ka njoftuar zyra e guverantorit lokal të enjten, transmeton Reuters.

Një burim i sigurisë ka thënë se në mesin e të arrestuarve janë edhe tre persona me kombësi franceze.

Të 16-të personat janë ndaluar pas operacioneve kundër “militantëve” të Partisë së Punëtorëve të Kurdistanit (PKK) në juglindje të provincës Sirnak, ka njoftuar kjo zyrë përmes një deklarate.

Zyra e guvernatorit nuk ka dhënë detaje për nacionalitetin e tyre.

Partia e Punëtorëve të Kurdistanit ka zhvilluar kryengritje kundër shtetit për tri dekada dhe është shpallur organizatë terroriste nga Turqia, Shtetet e Bashkuara dhe Bashkimi Evropian.

Më shumë se 40,000 persona, shumica kurdë kanë vdekur prej kur ka nisur konflikti në juglindje të shtetit.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400