Dënohet mjeku që vizatoi inicialet e veta në mëlçinë e pacientit

00:28 / E shtunë, 13 Janar 2018

 

Një mjek është dënuar me 12 muaj punë për komunitetin pasi u vërtetua se gjatë dy operimeve kishte vënë inicialet e veta në organet e pacientëve, shkruajnë mediat ndërkombëtare, transmeton Gazeta Metro.

53 vjeçari Simon Bramhall përdori një mjet që nxjerr flakë dhe pas përfundimit të operacionit vizatoi në mëlçinë e dy pacientëve shkronjat S.B.

Djegiet e tilla që formojnë shkronjat në organe nuk bëjnë dëme shëndetësore dhe largohen vet pas një kohe, por veprimi si i tillë është dënuar nga gjykata në Britaninë e Madhe.

Një gjë të tillë ai e kishte bërë edhe më 2013, kur një pacient gjatë një kontrolli pas operacionit kishte vërejtur në fotografim dy shkronja, dhe më pas e kishte kuptuar që bëhej fjalë për inicialet e mjekut që e kishte operuar më herët.

Para procesit mjeku në fjalë kishte dhënë dorëheqje nga pozita, ndërsa në gjyq një pacient kishte dëshmuar që është ndjerë i dhunuar psikologjikisht dhe ka pësuar dëme emocionale.

Përveç punës së obligueshme për komunitetin, ai është dënuar edhe me një gjobë prej 10 mijë funtesh.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400