Forcat turke sulmojnë pozicionet e PYD/PKK-së në Siri

16:46 / E shtunë, 13 Janar 2018

 

Forcat e Armatosura të Turqisë (TSK), kanë kryer gjuajtje intensive artilerike ndaj pikave të organizatës terroriste PYD/PKK në Afrin të Sirisë.

Artileritë e TSK-së kanë goditur pozicionet e PYD/PKK-së gjatë periudhës kur presidenti Recep Tayyip Erdoğan po jepte mesazhe në kongresin e 6-të të zakonshëm të AK Partisë në qytetin Elazığ, në lidhje me luftën kundër organizatës terroriste në Siri.

“Me operacionin e Idlibit po e shkatërrojmë krahun perëndimor të këtij korridori. Nëse terroristët në Afrin nuk dorëzohen, ne do ti shkatërrojmë, kjo duhet të dihet e tillë”, ishte shprehur Erdoğan, raporton Anadolu Agency.

Mësohet se njësitë artilerike të TSK-së nga pikat ku janë vendosur në rajonet Reyhanlı dhe Kırıkhan të qytetit Hatay të Turqisë dhe në zonat jokonfliktuale në Idlib të Sirisë, kanë kryer goditje artilerike ndaj pozicioneve të organizatës terroriste PYD/PKK në Afrin.

Njësitë e TSK-së që nga orët e drekës kanë kryer të paktën 36 goditje në rajonet Basufan, Xhinderes, Dejr Bellıt dhe Raxho të Afrinit.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400