Funerali i Barbara Bush, 1.500 njerëz ndjekin shërbimin në Teksas

20:14 / E shtunë, 21 Prill 2018

 

Të afërm dhe miq janë mbledhur këtë të shtunë në ceremoninë funerale për të festuar jetën e Barbara Bush, figurën matriarkale të një dinastie të politikës republikane.

Varrimi i ish-zonjës së parë ka filluar, me rreth 1.500 persona të pranishëm.

Presidentët e mëparshëm, pronarë picerish dhe historianë janë ndër të ftuarit në shërbimin privat qe po mbahet në Kishën Episkopale të St Martinit në Hjuston të Teksasit.

Ish-zonja e parë amerikane u nda nga jeta të martën në moshën 92-vjeçare, për shkak të shëndetit të rënduar.

Djali i saj, ish-guvernatori i Floridës Jeb Bush, është përzgjedhur të mbajë elegjinë në kishën ku prindërit e tij kanë qenë anëtarë që nga vitet 1950.

Sikundër dhe kishte konfirmuar, Presidenti Donald Trump nuk është pjesë e ceremonisë funerale për t’i dhënë familjes privatësinë e nevojshme.

Shtëpia e Bardhë tha se Trump do të mungonte në ngjarje “për të shmangur ndërprerjet për shkak të sigurisë së shtuar dhe për respektimin e familjes Bush”.

Presidenti amerikan ka pasur një marrëdhënie të vështirë me Bush, sidomos kur Jeb Bush u nominua për President të republikanëve në 2016.

Bush njoftohet e përshkroi Trump në atë kohë si një “showman” dhe pyeste se si gratë mund të votonin për të.

Për të përfaqësuar familjen e parë amerikane, prezent në ceremoni është zonja e parë Melania Trump. Ajo është ulur pranë ish-Presidentit Barak Obama.

Të pranishëm të tjerë të profilit të lartë janë ish-Presidenti Bill Clinton, ish-Sekretarja e Shtetit Hillary Clinton dhe ish zonja e parë Michelle Obama.

Zyrtarë të nivelit të lartë nga administrata e Bushit dhe e të moshuarve janë gjithashtu të pranishëm, përfshirë nënkryetarët Dan Quayle dhe Dick Cheney.

Megjithatë, ish-Presidenti Jimmy Carter është jashtë shtetit dhe nuk mund të marrë pjesë, ndërsa gruaja e tij Rosalynn po rikuperohet pas nënshtrimit të një operacioni.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400