Gjermani, zvogëlohet ndjeshëm popullsia e re

15:22 / E premte, 10 Gusht 2018


Numri i të rinjve të grupmoshës 14-17 vjeç në Gjermani është zvogëluar për rreth 470 mijë në periudhën mes viteve 2006 dhe 2016, njoftoi Zyra Federale Gjermane e Statistikave (Destatis).

Sipas Destatis, grupmosha 14-17 vjeç që në vitin 2006 përbënte 4.4 të popullsisë gjermane, në vitin 2016 ka rënë në 3.8 për qind.

Popullsia e Gjermanisë, e cila me 82.8 milionë banorë është vendi më i populluar në Bashkimin Evropian, vazhdimisht shkon duke u plakur.

Një analizë e kryer nga Destatis në vitin 2015 kishte paralajmëruar se popullsia mbi 65 vjeç do të rritet, duke sugjeruar se kjo grupmoshë, e cila përbënte 20 milionë nga popullsia totale prej 80.7 milionë në vitin 2013, do të përbëjë 33 milionë të popullsisë totale prej 67.6 milionë në vitin 2060.

Parashikimet po ashtu kanë alarmuar se nga viti 2020, efektet e popullsisë së plakur do të ndihen fuqishëm në ekonomi dhe fushat e tjera.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400