Gjykata hedh poshtë kërkesën për arrestimin e Puigdemontit

23:31 / E hëne, 22 Janar 2018

 

Refuzohet kërkesa e Prokurorisë spanjolle.
Gjykata Supreme e Spanjës ka refuzuar sot kërkesën e Prokurorit shtetëror që të aktivizohet sërish urdhri evropian për arrestimin e ish-udhëheqësit të Katalonisë, Carles Puigdemont.

Vendimi për të aktivizuar sërish kërkesën për arrestim është pezulluar, përderisa Parlamenti i Katalonisë të mos i rikthehet sërish aktiviteteve normale, u theksua në komunikatën e Gjykatës.

Më herët, përkundër kërkesës së prokurorisë së Spanjës, Presidenti i Parlamentit të Katalonisë, Rozhe Torent, propozoi sot Puigdemont si kandidat të vetëm për formimin e Qeverisë së rajonit, edhe pse ai ka statusin e të arratisurit nga drejtësia spanjolle.

Për emërimin e Puxhemontit Parlamenti i Katalonisë do të votoi në fund të këtij muaji. Puigdemont udhëtoi sot për në Danimarkë, përkundër rrezikut se mund të arrestohet.

Udhëheqësi i Katalonisë, i cili u strehua në Bruksel, për t’iu shmangur arrestimit nga ana e autoriteteve spanjolle, për shkak të përpjekjeve për të shkëputur Kataloninë nga Spanja, në Danimarkë është paraparë të merr pjesë në debatin me temën “Katalonia dhe Evropa në udhëkryq për demokraci”.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400