Gjykata lejon ndalesën e hyrjes në SHBA të disa udhëtarëve

07:56 / E martë, 14 Nëntor 2017

Një gjykatë e apelit në Shtetet e Bashkuara e lejon urdhrin e fundit ekzekutiv të presidentit, Donald Trump, për ndalesën e hyrjes në SHBA të udhëtarëve nga Irani dhe disa vende të tjera, me popullatë shumicë myslimane, që të bëhet fuqiplotë.

Vendimi i djeshëm e mbështet një pjesë të urdhrit të zotit Trump të datës 24 shtator të këtij viti, me të cilin shtetasve nga Irani dhe disa vendeve të tjera, nuk u lejohet hyrja, nëse ata nuk kanë lidhje të afërta në Shtetet e Bashkuara.

Këto lidhje të afërta janë definuar si raporte familjare dhe marrëdhënie “formale, të dokumentuara” me organizatat me seli në Shtetet e Bashkuara, siç janë universitetet dhe agjencitë për vendosje në SHBA.

Udhëtarët që kanë lidhje të afërta me grupet amerikane dhe individët, përfshirë gjyshërit, gjyshet, nipërit, mbesat, prindërit, bashkëshortët dhe farefisin, do të lejohen të hyjnë.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400