Italia mbyll portet për anijen e shpëtimit të imigrantëve

09:22 / E hëne, 11 Qershor 2018

Një anije shpëtimi në të cilën gjenden 629 imigrantë është bllokuar në Mesdhe, pasi ministri i Brendshëm Italian, Matteto Salvini, ka refuzuar lejen e zbarkimit.

Salvini, lideri i krahut të djathtë, Liga, ka thënë se Malta duhet të pranojë anijen Aquarius, mirëpo deklaratat e tij janë kundërshtuar.

Malta ka thënë se shoqata bamirëse, SOS Méditerranée, ka marrë imigrantët në ujërat e Libisë, që do të thotë se të njëjtit janë përgjegjësi e juridiksionit të Italisë.

Italia është territori kryesor, përmes së cilit imigrantët kalojnë nga Afrika Veriore në Evropë.

Partia Liga u ka premtuar votuesve gjatë zgjedhjeve të përgjithshme se do të ketë qasje të ashpër ndaj imigrimit.

SOS Méditerranée, e cila drejton anijen Aquarius, ka thënë se ka mbledhur imigrantët në gjashtë operacione shpëtimi në bregun e Libisë.

“Synimi ynë është t’i zbarkojmë në një port të sigurt 629 personat në bord, disa prej të cilëve janë në kushte të vështira, është cituar t’i ketë thënë agjencisë së lajmeve, Reuters, zëdhënësja e shoqatës bamirëse, Mathilde Auvillain.

Agjencia për refugjatë në Kombet e Bashkuara u ka bërë thirrje “shteteve” të përfshira që të “gjejnë një zgjidhje për imigrantët, në mënyrë që ata të zbarkojnë në hapësirë të sigurt”.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400