“Kiameti” në Poloni: Disa të vdekur nga stuhia

12:00 / E shtunë, 12 Gusht 2017

 

Katër persona kanë humbur jetën dhe 28 të tjerë janë lënduar si pasojë e motit të lig që ka goditur Poloninë, ndërsa 500 mijë amvisëri kanë mbetur pa energji elektrike, njoftojnë autoritetet polake.

“Nuk mbaj mend një natë të tillë tragjike kur është në pyetje stuhia”, ka thënë për mediat polake zëdhënësi i zjarrfikësve Pavel Frontçak.

Në veri të Polonisë gjatë natës së kaluar janë rrëzuar edhe pemët, ndërsa në vendin Sushka 170 njerëz po presin evakuimin. Zjarrfikësit nuk kanë arritur t’i ndihmojnë për shkak të bllokimit të rrugëve nga rrëzimi i pemëve.

Pjesa më e madhe e amvisërive për shkak të motit të lig kanë mbetur pa energji elektrike në veri të vendit.

Stuhia ka goditur pothuajse gjithë Evropën qendrore që nga mesi i kësaj jave dhe në Poloni para rastit të fundit kanë humbur jetën dy persona.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400