Kjo është gruaja që po ia rrezikon pushtetin Erdoganit

10:34 / E diell, 24 Qershor 2018

E quajnë “Marine Le Pen e Turqisë” për shkak të përfshirjes për shumë vite në partinë e ekstremit të djathtë MHP. Po ashtu, ajo është kthyer në makthin e Erdogan në rrugën drejt rizgjedhjes.

 

Jo sepse do të ketë një përqindje të barabartë me presidentin aktual, por për shkak se në qoftë se tejkalon 10% ju mund të kontrollojë përparimin triumfin e një presidenti suprem.

Meral Aksener, 61 vjeç, konsiderohet si forca e ardhshme e pushtetit në Turqi dhe pasardhësja e Erdogan.

Përmes makinacioneve në Komisionin Qendror të Zgjedhjeve, partia e Erdoganit dhe nacionalistët nga ku doli Aksener (Ata janë në aleancë tani) tentoi të pengonte hyrjen e saj në zgjedhje, por ndihma i erdhi andej nga nuk e priste.
Partia e Republikës, të majtë historikë në Turqi, i huazuan asaj 15 deputetë në mënyrë që të tejkalonte këtë kurth për t’u futur në zgjedhje.
“Ne nuk mendojmë si Aksener, por e bëmë këtë për hir të demokracisë, që është vrarë në Turqi nga një president si Erdogani”, u shprehën më pas grupi i deputetëve që i erdhën në ndihmë gruas së hekurt, përcjell gazetametro.net.
Krijimi i një partie të qendrës së djathtë pak muaj më parë nuk ishte asgjë më shumë se një hap drejt synimeve të saj.
Askener ishte, është dhe do të jetë një nacionaliste e vështirë, thjesht karriera politike i kërkon të hollojë verën me ujë, të paktën në fjalimet elektorale. Themeloi “Partinë e Mirë” dhe shkon kudo.
U drejtohet me përulje turqve, duke u përpjekur të zgjojë instinktet edhe të popullit analfabet thellë në Anadoll.
Aksener kritikon ashpër Erdogan për të gjitha çështjet.
Për luftën në Afrin ajo tha:
“Për fat të keq, Turqia tani është një vend ku nuk ka dialog në politikën e jashtme, në parlament apo debat publik. Politika e jashtme janë deklaratat e z. Erdogan dhe si rezultat, ka pasoja. Sa për Ushtrinë e Lirë Siriane. Ne kemi filluar një operacion të vonuar në Afrin, i cili synon të ofrojë siguri për Turqinë në përputhje me të drejtën ndërkombëtare. Kjo nuk është një luftë. Kemi filluar vetëm një operacion”, tha Askener, përcjell gazetametro.net.
Sipas “Politiko”, fakti që Aksener është vazhdimisht në shënjestër të mediave pro-qeveritare të Turqisë tregon se qeveria turke është e shqetësuar për këtë.
Ndërsa BBC në një analizë të kohëve të fundit thotë se presidenti Erdogan është duke u përpjekur për t’i “prerë krahët” kundërshtarit bazë, Meral Aksener, e cila ka krijuar tashmë një parti të re të qendrës së djathtë.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400