Marrëveshja për Brexit, Britania skenar “shpëtimi” në rast dështim

13:25 / E enjte, 23 Gusht 2018

Botimi nga qeveria britanike e këshillave për publikun, biznesin dhe grupet e tjera të interesit të shoqërisë për atë se si të planifikojnë jetën e tyre, në rast të mosarritjes së një marrëveshje mes Londrës dhe Brukselit për Brexit, ka shkaktuar reagime dhe komente të ndryshme.

Zyrtarët e lartë britanik thonë se edhe pse arritja e një marrëveshje me BE mbetet “prioriteti i tyre absolut”, Londra duhet të jetë gati për të shqyrtuar alternativat.

Negociatat mes Britanisë dhe BE kanë ngecur në vend kur vendi pritet të largohet nga BE-ja në mars të 2019. Ministri britanik i Brexit Domenic Raab, deklaroi se “kemi përgjegjësinë si qeveri të përgatitemi për çdo eventualitet”, ndërkohë opozita laburiste e ka hedhur poshtë si mundësi daljes së vendit nga BE pa marrëveshje, duke thënë se nuk do e lejonte një gjë të tillë.

68 dokumentet këshillues pritet të publikon të gjitha brenda disa javësh, dhe pritet të mbulojnë fusha të tilla si siguria në aviacion, energjia bërthamore për qëllime civile, furnizimet me ilaçe dhe medikamente, të drejtat e shtetasve britanik që jetojnë në vendet e BE-së, transporti rrugore dhe të drejtat e peshkimit.

Mbështetësit e Brexit thonë se gjithçka që po bënë qeveria është pjesë e të ashtuquajturit ”Projekti i Frikës” dhe se Britania nuk duhet të frikësohet, nëse largohet pa marrëveshje tregtare dhe aplikon rregullat e Organizatës Botërore të Tregtisë.

Gjërësisht mendohet se kjo taktikë e qeverisë synon të përforcojë dorën negociuese të Londrës në bisedimet me Brukeslin, por edhe të çimentoj pozicionin e kryeministres britanike në negociata dhe vizonin e saj për Brexit-in më të mirë, në sytë e publikut vendas.

Një gjë është e sigurt; nga mos arritja e një marrëveshje mes Britanisë dhe Bashkimit Evropian, si ishulli ashtu edhe kontinenti do të dalin të humbur, një alternativë që do duan ta evitojnë, pavarësisht nga retorika dhe taktikat negociuese.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400