Merkel alarmon Evropën për “tendencat agresive” të Iranit

19:16 / E enjte, 21 Qershor 2018

Kancelarja gjermane, Angela Merkel, i ka bërë thirrje Evropës që “urgjentisht” të marrë masa për të luftuar aktivitetet “agresive” të Iranit në Lindje të Mesme.

“Tendencat agresive të Iranit nuk duhet të mbesin vetëm në nivel të diskutimeve, ne duhet të gjejmë zgjidhje urgjentisht”, ka thënë ajo më 21 qershor, pas një takimi me Mbretin e Jordanisë, Abduallah në Aman.

Merkel ka shtuar se derisa shtetet evropiane kanë shprehur vullent për të ruajtur paktin bërthamor që kanë me Teheranin nga viti 2015, ata janë të shqetësuar për programin e raketave balistike të Iranit, prezencën e tij në Siri dhe rolin që ka ky vend në luftën civile në Jemen.

Presidenti amerikan, Donald Trump ka tërhequr vendin e tij nga marrëveshja bërthamore në muajin maj, e cila parasheh që Irani të frenojë aktivitetet bërthamore në këmbim të lirimit nga sanksionet.

Ndërkohë Shtëpia e Bardhë ka njoftuar sot se Mbreti Abdullah do të takojë Trumpin në Uashington më 25 qershor, përcjell REL.

“Presidenti Trump mirëpret konfirmimin e marrëdhënieve miqësore në mes të SHBA-së dhe Jordanisë. Liderët do të diskutojnë çështje që shqetësojnë të dyja palët, duke përfshirë terrorizmin, kërcënimin nga Irani, krizën në Siri dhe rrugën drejt arritjes së paqes në mes të izraelitëve dhe palestinezëve”, është thënë në deklaratë.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400