Ministri i ri britanik do të nisë negociatat me BE-në për Brexit

08:37 / E enjte, 19 Korrik 2018

 

Mbretëria e Bashkuar ka njoftuar se Sekretari britanik për Brexit, Dominic Raab do të zhvillojë negociata më vonë në Bruksel me shefin e Bashkimit Evropian për largimin e Britanisë nga blloku, Michel Barnier.

Raab është emëruar në këtë pozitë pasi David Davis ka dhënë dorëheqje në shenjë proteste ndaj planeve të kryeministres britanike, Theresa May për tregti.

Tani është në përgjegjësinë e Raab që të vazhdojë bisedimet me Barnier.

Ministri britanik ka qenë pjesë e fushatës zyrtare për Brexit, para mbajtjes së referendumit më 2016.

Takimi i tyre pritet të ndodhë derisa Komisioni Evropian është duke udhëzuar shtetet tjera të BE-së të përgatiten për Brexit pa marrëveshje.

Në një draft të Komisionit që ka siguruar BBC-ja, vendet e bllokut paralajmërohen se mosarritja e marrëveshjes mund të ketë ndikim të konsiderueshëm në bizneset evropiane dhe të qytetarët.

Në mesin e pasojave përmenden edhe përçarjet në industrinë e aviacionit dhe se mallrat nga Britania do të jenë subjekt i kontrolleve doganore.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400