Misteri i ri i Trekëndëshit të Bermudeve: Pas dasmës u nisën me aeroplan për muajin e mjaltit dhe u zhdukën pa gjurmë

14:39 / E enjte, 12 Tetor 2017

 

Prindërit dhe familjarët e çiftit Forest dhe Dona Sanko që së fundmi ishin martuar, kanë angazhuar detektivë privat pasi në mënyrë misterioze ishin zhdukur dyshja derisa po fluturonin me aeroplan mbi Trekëndëshin e Bermudeve.

Për çiftin bashkëshortor nga Teksasi nuk ka kurrfarë informacioni që kur nuk arritën në destinacion e planifikuar, ku dyshja dëshironin që muajin e mjaltit a kalojnë në Bahama, transmeton Telegrafi.

Forest dhe Dona dy javë më parë ishin larguar nga Fort Vort me aeroplan të tipit Cesna 150, të vjetër plot 51 vite. Ata kishin aterruar në pjesën veriore të Eluterës në Bahama, për ta mbushur me kerozinë aeroplanin, kanë njoftuar prindërit e dyshes.

Ata është dashur ta vazhdojnë rrugëtimin për në ishullin Rum Kay, që ishte dy orë larg vendit ku kishin aterruar dhe kishin rezervuar një shtëpi për plot një javë qëndrim.

Por, kurrë nuk kishin arritur atje dhe askush deri më sot nuk ka dëgjuar asgjë për ata, që kur publikuan në Instagram një fotografi të lindjes së diellit.
Të afërmit filluan të brengosen kur ata nuk u shfaqen për macen e tyre, por edhe kur Forest nuk u paraqit në punë.

Ata përmes GoFunMe krijuan një llogari përmes të cilës shpresonin të mbledhin para për t’i paguar detektivët e angazhuar në gjetjen e tyre.
Deri më tani kanë mbledhur 9 mijë funte kurse për qëllim kishin të mbledhin 15 mijë. Por, edhe pas dy javëve kërkim ende nuk ka asnjë gjurmë nga çifti Sanko.

 

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400