Një militant rus i ISIS-it hedh veten në erë gjatë arrestimit

16:20 / E martë, 17 Prill 2018

Shërbimi i Sigurisë Federale të Rusisë (FSB) thotë se ka arrestuar tre anëtarë të dyshuar të grupit militant, Shteti Islamik (IS), duke shtuar se një person i katërt, ka hedhur vetën në ajër, teksa autoritetet po e arrestonin.

Zyrtarët e FSB-së thanë sot se të dyshuarit po planifikonin një seri të akteve terroriste në rajonin jugperëndimor Rostov.

Sipas FSB-së, lideri i këtij grupi ka hapur zjarr ndaj zyrtarëve policorë gjatë aksionit të arrestimit dhe më pas ka shpërthyer një pajisje shpërthyese.

Ndodh shumë shpesh që FSB të njoftojë për pengimin e komploteve terroriste, por shpesh këto raportime nuk mund të verifikohen në mënyrë të pavarur.

Zyrtarët e FSB-së nuk kanë treguar se ku janë kryer arrestimet. Ata thanë se disa armë dhe manuale për krijimin e eksploziëve janë gjetur gjatë këtij operacioni. Ndërkaq, identiteti i të arrestuarve nuk është bërë ende publik.

Autoritetet ruse thonë se mbi 5 mijë persona nga Rusia dhe nga ish-republikat e tjera sovjetike, u janë bashkuar IS-it në Siri, në vitet e fundit.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400