OKB qorton Korenë e Veriut: Po krijon raketa bërthamore, teksa njerëzit po vdesin urie

00:21 / E mërkure, 15 Nëntor 2017

 

 

Komisioni për të drejtat e njeriut në Asamblenë e Përgjithshme të Kombeve të Bashkuara dënoi sot Korenë e Veriut për shkeljet e të drejtave të njeriut, duke bërë një paralelizëm mes kequshqyerjes së koreano-veriorëve dhe programeve balistike dhe bërthamore të Phenianit.

Ky dënim shënohet në një rezolutë jodetyruese të miratuar nga komisioni dhe do të kalojë për debat në dhjetor në seancën plenare të Asamblesë së Përgjithshme.

Me propozim të Bashkimit Evropian dhe Japonisë, rezoluta dënon Korenë e Veriut për çënim të burimeve të saj për vijimin e programeve të armëve bërthamore dhe balistike pavarësisht mirëqënies së popullsisë.

Teksti citon një shqetësim mjaft serioz përballë përdorimit nga ana e Phenianit ndaj torturës, ekzekutimeve të menjëhershme, ndalimeve arbitrare dhe rrëmbimit të shtetasve të huaj si jashtë dhe brenda territorit të Koresë së Veriut, përcjell Atsh.

Ambasadori koreano-verior, Ja Song Nam njoftoi se qeveria e tij hedh poshtë në mënyrë kategorike këtë rezolurë, duke vlerësuar si një manovër për të diskredituar regjimin e Phenianit.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400