Rusia mohon të ketë dorë në dëshmitë e sulmeve kimike në Siri

15:36 / E hëne, 16 Prill 2018

Rusia ka mohuar të ketë ndërhyrë në dëshmitë e sulmit të dyshuar me armë kime në Siri, rast ky i fundit që çoi në aksionin ushtarak të së shtunës nga SHBA-të, Britania e Madhe dhe Franca.

Kështu ka bërë të ditur Ministri i jashtëm rus, Sergei Lavrov, në një prononcim të tij për BBC, ndërsa është shprehur me shumë siguri se shteti i tij nuk ka bërë ngatërrime.

“Unë mund të garantoj se Rusia nuk ka gisht në atë çështje” ka thënë ai, njofton Klan Kosova.

Ai i dha këto deklarime ndërsa mbikëqyrës të cilët hetojnë përdorimin e armëve kimike nga OPCW po mbanin një takim urgjent.

Sipas raportimeve inspektorët në Siri ende nuk kanë fituar qasje në Douma.

Delegacioni suedez përmendi një njoftim nga drejtori i përgjithshëm që tha se Siria dhe Rusia ishin të shqetësuar se siguria në terren nuk mund të garantohej.

Takimi në Hagë mbahet me dyer të mbyllura, por agjencia e lajmeve Reuters njofton se ambasadori amerikan, Kenneth Ward, shprehu shqetësimin se forcat ruse atje mund të kenë manipuluar me prova.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400