SHBA: Mijëra studentë kërkojnë ligje më strikte të kontrollit të armëve

13:28 / E shtunë, 21 Prill 2018

Mijëra studentë amerikanë kanë bojkotuar mësimin për të dytën herë në muajt e fundit, duke bërë thirrje për ligje më strikte për kontrollin e armëve, pas të shtënave në një shkollë në Florida në muajin shkurt, dhe incidenteve të tjera.

Më 20 prill, studentët u larguan nga orët e tyre mësimore. Kjo datë përkon me 19-vjetorin e masakrës në shkollën e mesme Columbine, ku u vranë 12 studentë dhe një mësues në Kolorado.

Organizatorët kanë thënë se studentët nga mbi 2,600 shkolla dhe institucione kanë bojkotuar orët mësimore më 20 prill.

“Sot duhet të jesh proaktiv dhe i fuqizuar dhe të gjithë atë energji dhe zemërim që kemi ne të rinjtë, duhet ta drejtojmë te ndryshimet produktive”, i ka thënë agjencisë Reuters, Lane Murdock nga Konektikat, njëra prej organizatoreve.

Studentët kanë mbajtur pankarta me mbishkrime si “Unë duhet të shqetësohem për notat, e jo për armët” dhe “Mjaft është mjaft”.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400