SHBA: Supremacisti i bardhë u dënua me vdekje për vrasjet në kishë

09:33 / E mërkure, 11 Janar 2017
Personi 22 vjeçar, Dylann Roof, që publikisht ka pranuar se është supremacist i bardhë, mbrëmë është dënuar me vdekje për vrasjen e nëntë anëtarëve zezakë të një kishe, gjatë një sesioni të studimit të Biblës në Çarlston të Karolinës Jugore.

Dylann Roof është personi i parë që dënohet me ekzekutim për krimin e urrejtjes sipas ligjit federal.

Gjatë procesit të tij, Roof nuk ka luftuar për jetën e tij e as që ka shprehur ndonjë mëshirë. Ai e mbrojti vetveten gjatë procesit dhe asnjëherë nuk e ka shpjeguar masakrën që e ka kryer.

Derisa është lexuar vendimi i gjykatës, ai nuk ka treguar emocione.

Pas vrasjeve të 17 qershorit të vitit 2015, Dylann Roof u tha agjentëve të FBI-së se ai dëshironte që me të shtënat e tij ta kthente segregacionin ose së paku ta fillonte një luftë racore.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400