Talibanët sulmojnë një qytet në perëndim të Afganistanit

11:56 / E martë, 15 Maj 2018

Kryengritësit talibanë kanë sulmuar qytetin Farah, që gjendet në perëndim të Afganistanit përgjatë kufirit me Iranin, duke vrarë dhe plagosur dhjetëra forca të sigurisë, thanë zyrtarët.

Dhjetëra pika të kontrollit të sigurisë afgane janë sulmuar në kryeqytetin e provincës Farah nga militantët talibanë tha Fared Bakhtawer, kryetar i këshillit provincial në Farah.

Ai tha se 30 anëtarë të forcave të sigurisë afgane janë vrarë ose plagosur deri më tani.

Një zyrtar i paidentifikuar i Qeverisë lokale tha se dhjetëra banorë kanë thënë se luftimet në mes të forcave të sigurisë dhe militantëve po zhvillohen rreth katër kilometra nga qendra e qytetit.

Zëdhënësi i talibanëve, Zabihullah Mujahid ka marrë përgjegjësinë për këto sulme.

Mujahid tha se luftëtarët talibanë kanë nisur sulme në disa pika të kontrollit të forcave afgane në qytet.

Provinca Farah gjendet afër provincës Helmand, ku talibanët kanë nën kontroll disa qarqe.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400