Trump për ndërhyrjen ruse në zgjedhje: Bashkëpunimi nuk është krim

23:01 / E martë, 31 Korrik 2018

Vetëm pak para se të fillonte gjyqi ndaj Paul Manafort në një gjykatë amerikane, presidenti Donald Trump ka bërë një tjetër deklaratë në lidhje me ndërhyrjen e supozuar ruse, në zgjedhjet e 2016-ës.

“Bashkëpunimi nuk është një krim, por kjo nuk ka asnjë rëndësi, sepse nuk kemi as bashkëpunim në këtë rast”, shkroi Trump në Twitter.

Presidenti amerikan u përgjigj kështu ndaj prokurorit Robert Mueller, që po heton një bashkëpunim të mundshëm të stafit të Trump, me Moskën, në përpjekje për të ndikuar në zgjedhjet presidenciale të 2016-ës.

Paul Manafort është i pari nga pjesëtarët e Trumpit në fushatë, që po përballet me gjykatën. Ndaj tij janë hedhur akuza për mashtrim bankar dhe evazion fiskal, por do të hetohet edhe për lidhjet me rusët dhe ndikimin e tyre në zgjedhjet amerikane.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400