Turqia provokon, Greqia i përgjigjet me të njëjtën monedhë

14:21 / E mërkure, 11 Janar 2017

 

Qeveria e Aleksis Cipras ka rinisur të popullojë disa prej ishujve që kërkoheshin nga Turqia.

Bëhet fjalë për një përgjigje aspak diplomatike ndaj pretendimeve të Erdogan që prej disa kohësh ka kërkuar një rishikim të Traktatit të Lozanës së 1923, i cili ka formësuar Turqinë e sotme duke i dorëzuar Greqisë disa ishuj në afërsi të brigjeve turke.

Tani, qeveria e Athinës ka reaguar me një përgjigje që ka zënë disi në befasi Erdoganin.

Siç transmeton Kathimerini, zv/ministri grek për Lundrimin dhe Ishujt, Nektarios Santorinios ka lajmëruar se do të ndërtojë infrastruktura ushtarake dhe civile në 28 ishujt e kërkuar nga Turqia.

Përballë kërcënimit turk, Greqia ka kërkuar edhe ndihmën dhe mbështetjen e BE duke shpjeguar se lufta për mbrojtjen e sovranitetit kombëtar përfaqëson interesin e gjithë Bashkimit Europian.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400