“Ujqërit” e Putinit alarmojnë Sllovakinë

22:46 / E martë, 31 Korrik 2018

Ministria e Jashtme sllovake thotë se është e shqetësuar nga fakti që “Ujqërit e natës”, një bandë nacionaliste motoçiklistësh rusë, e afërt me Vladimir Putinin, ka ngritur tani një bazë në Sllovaki.

Baza ka mjete të vjetra ushtarake dhe ndodhet në Dolna Krupa, një fshat 70 km larg kryeqytetit Bratislavë.

Qeveria ruse i quan ato zyrat qendrore europiane të ujqërve të natës. Motoçiklistët janë subjekt i sanksioneve amerikane dhe akuzohen se i ofrojnë ndihmë rebelëve pro rusë në Ukrainë.

Zëdhënësi i Ministrisë së Jashtme sllovake tha për BBC se aktivitetet e ujqërve të natës duhet të monitorohen me kujdes.

“Ne mendojmë se ndikimi i anëtarëve të këtij grupi është i dëmshëm, veçanërisht në përhapjen e opinioneve të tyre që orientohen drejt rishkrimit të historisë”, tha ai.

I pyetur të specifikojë këto opinione kontraversiale, ai tha: Krimea është, ishte dhe do të jetë ruse, se Stalini ishte një hero i madh, që NATO është një organizatë kriminale etj…”.

Sllovakia është një vend anëtar i NATO-s dhe BE. Më herët, pjesë e Çekosllovakisë komuniste, ajo ishte aleate e Moskës gjatë luftës së ftohtë. Lideri i ujqërve të natës, Aleksander Zaldostanov, i njohur si kirurgu, është shfaqur shpesh përkrah presidentit putin, përcjell TCh.

Në fakt, në 2011, Putin udhëtoi bashkë me ujqërit e natës në një festival motoçiklistësh në Novorosiysk. në 2013, Putin i dha një medalje nderi Zaldostanov.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400