Video që përloti miliona njerëz: Mami dhe babi, ju lutem qëndroni të paktën miq

21:50 / E mërkure, 11 Janar 2017

 

Video e një vajze 6-vjeçare, e cila iu lutet prindërve të jenë miq edhe pas divorcit, ka prekur zemrat e miliona njerëzve në mbarë botën.

Tiana, një vogëlushe 6-vjeçare nga Kanadaja, i lutet të ëmës, Sherry, të shkojë mirë me babin, edhe pse janë ndarë.

Videoja e Tianës është postuar në “Facebook” nga e ëma dhe është klikuar mbi 5 milionë herë.

Sipas nënës së vajzës, videoja është xhiruar pas një debati që ajo ka pasur me ish-bashkëshortin, ku ka qenë e pranishme edhe Tiana.

Në video, vajza fillimisht e pyet nënën nëse është e gatshme të jetë shoqja e babit. “Të lutem provoje një herë. Nuk dua që ju të ziheni, dua të jeni miq”, thotë ajo.

Madje, ajo ka edhe një këshillë për të gjithë njerëzit:

“Unë dua që të gjithë të jemi miq me njëri-tjetrin. Mendoj se të gjithë mundemi të jemi njerëz të mirë. Por përpiqem me gjithë zemër të bëj diçka. Dua që mami, babi dhe gjithë njerëzit të jenë shokë me njëri-tjetrin. Dua t’i shoh të gjithë të buzëqeshur”.

Nëna e vajzës e ka postuar videon në “Youtube”, duke e shoqëruar me mesazhin: “Ajo më bëri të shpërthej në lot dhe të ndihem fajtore”.

E kontaktuar në BuzzFeed News, nëna e Tianës thotë se nuk do të flasë më tepër. Asaj i mjafton fakti që ka një vajzë me të cilën është krenare dhe që fjalët e mençura të saj kanë pasur kaq impakt te njerëzit.

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400