Zjarr në stacionin hekurudhor të Britanisë, 60 zjarrfikës luftojnë me flakët (Video)

13:36 / E premte, 12 Janar 2018

Një zjarr ka përfshirë sot në mëngjes një stacion hekurudhor në Notingham të Britanisë së Madhe.

Mësohet se për shuarjen e flakëve janë angazhuar rreth 60 zjarrfikës. Forcat e ndërhyrjes së shpejtë kanë evakuuar zonën, ndërkohë që nuk flitet për viktima, bën me dije një zëdhënës i Shërbimit të Ambulancës në East Midland.

I komanduari për ngjarjen, Bryn Coleman, rrëfen se: “Ne morëm një telefonatë rreth orës 06:30 që një zjarr ka rënë përfshirë një bllok tualetesh në stacionin hekurudhor. Zjarri është përhapur edhe në çatitë e objekteve”.

Stacioni është mbyllur përkohësisht dhe nuk po lejohet qarkullimi i trenave. Në rrjetet sociale janë shpërndarë video që tregojnë flakët dhe shtëllungat e tymit nga vendngjarja.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400