Valdete Idrizi: Të bëjmë fushatë dinjitoze, askush s’mund ta ndalë ndryshimin në Mitrovicë

15:54 / E hëne, 13 Nëntor 2017

 

Në Kosovë sot zyrtarisht është bërë hapja e fushatës për rrethin e dytë të zgjedhjeve lokale. Rreth balotazhit kandidatja e PDK-së për kryetare të Mitrovicës, Valdete Idrizi, ka dhënë një mesazh.

Idrizi i ka ftuar qytetarët, simpatizantët, si dhe anëtarët e PDK-së, që të bëjnë fushatë të qetë, dinjitoze dhe demokratike.

Ky është masazhi i plotë i Valdete Idrizit:

“Sot, ka filluar zyrtarisht fushata zgjedhore e 19 Nëntorit, ditë kur qytetarët do të rikonfirmojnë ndryshimin. Ditë kur qytetarët do t’i thonë mjaft kësaj qeverisjeje komunale. I ftoj qytetarët, simpatizantët, anëtarët e PDK-së dhe anëtarët e partive tjera që tashmë kanë konfirmuar përkrahje për platformën tonë, të bëni fushatë të qetë, demokratike dhe dinjitoze. Vetëm kështu mund ta ndihmojmë Mitrovicën dhe vendin tonë. Askush nuk mund ta ndal fitoren tonë. Askush nuk mund ta ndalë ndryshimin për Mitrovicën!”, ka shkruar Idrizi në Facebook.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400