Dëshmorët e kombit që u vranë nga pushtuesi turk më 1911

12:34 / E mërkure, 21 Mars 2018

 

Nga Gjon Keka
Jetëshkrimet e të gjashtë dëshmorëve Shqipëtar
  1. Bajazet Rehova, 2. Odiesa Kota, 3.Kostaq S.Kosturi,4.Kristaq Furxi, 5.Petraq Kristofilaku, 6.Nuçi Lapi
    U vranë nga ushtria turke në fushën e Korçës më 16 e 17 Korrik 1911 për të fituar të drejtat kombëtare,
    Prej një shokut të tyre, Sofje 1912
Këtu më poshtë po i vendos fjalët në hyrje të librit shkruar nga autori e që në fakt ai ishte edhe shoku i tyre sikur që shihet në fillim të librit:
Dy fjalë
I dashur këndonjës,
I shtyrë nga detyra kombëtare ,edhe më shumë që të mos mbeten në harrim punët edhe veprat e atyre trimave, mora pendën në dorë edhe shkrova jetëshkrimet ose veprat e të gjashtë dëshmorëve , të cilët u vranë ,më 16 e 17 Korrik 1911 në fushën e Korçës nga ushtria turke ,për të fitura të drejtat kombëtare, ose lirinë e atdheut tonë nga zgjedha e 500 vjetëve.
Çdo njeri, i cili është përpjekur për lirinë e atdheut të tij edhe ka derdhur gjakun trimërisht në fushën e luftës ,ata që mbetën me pas i ngrehën monumente e statuja të larta për kujtim të trimërisë.
Atë gjë sollëm edhe neve ndër mend, dhe shkrojtëm këto të pakta sa ditëm, duke mbushur një detyrë të vogël ,edhe u ngrehim sot këtë monument prej karte,por për ta do t’u ngrehim vetëm atëher kur këto viset e bekuara , mbi këta malet e larta, edhe në këtë qytetin ku janë mbuluar ata , të valoj flamuri ynë ,ajo shkaba e pamundur e Skënderbeut!
Qoftë kujtimi i tyre i përjetshëm!
Korçë, 5 Gusht 1911, Shkronjësi

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400