Ibrahim Rugova, Për Demarkacionin: Kufiri Me Malin e Zi kalon në Çakorr, Mokna, Qaf e Dasmorëve…

21:29 / E enjte, 22 Shkurt 2018

 

Presidenti historik, Ibrahim Rugova, në vitin 2002 ka deklaruar se kufiri me Malin e Zi do të jetë Pika e Çakorrit.

Në takim me delegacionin nga fshatrat e Rugovës, të cilët i ka pritur për të dëgjuar shqetësimet e tyre lidhur me çështjen e kufirit me Malin e Zi, ai citohet t’ju kishte thënë rugovasve se pika e Çakorrit do të jetë kufiri dhe se përtej kësaj pike malazezët nuk kanë çka të kërkojnë, përcjell “zeri.info”.

“Çakorri, Mokna, Qaf e Dasmorëve dhe këto pjesë tjera nuk do të preken, se është dhe ndarja natyrale dhe ka qenë kufiri përherë. Ne nuk mund të pretendojmë ne ato pjesë tjera që kemi pasur më përpara. Ato kanë shkuar e nuk mundemi në këtë kohë diçka të bëjmë. Por, njëherë përnjëherë me Malin e Zi duhet të ketë raporte të mira. Dhe, Mali i Zi besoj do ta njeh pavarësinë tonë të shtetit. Atëherë do të formohen komisione: një komision prej Kosove, një prej Malit të Zi, me mbikëqyrje ndërkombëtare dhe kufiri në Çakorr…nuk do të kalojë këndej”, citohet të ketë thënë Rugova në këtë takim.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400