Dieta më e mirë e stinës është ajo e qershive

16:18 / E premte, 25 Maj 2018

Të varfëra në yndyrna, të pasura në ujë, qershitë përfaqësojnë një ushqim që ndikon në rënien në peshë (ndryshe nga çfarë kishim ditur deri sot).

Jo vetëm kaq; ato ndihmojnë enët e gjakut dhe përmirësojnë nivelet e kolesterolit. Pra, për momentin, meqë jemi në stinën e tyre, shfrytëzoni kohën e qershive për të bërë dietën me to. Qershitë ndihmojnë humorin të përmirësohet dhe kanë veti antiinflamatore fal pranisë së antocianit. Bëhet fjalë për antioksidante që kanë fuqi në ngadalësimin e procesit të plakjes.

20 qershi në ditë!

Sasia e këshillueshme e qershive që duhet të hamë brenda një dite është 20-25 kokrra por nëse nuk hani fruta të tjera mund të hani edhe më shumë. Në këtë rast, numri i tyre duhet të arrijë deri në 70-të, duke i ndarë në 2-3 racione. Qershitë përbëhen nga uji në masën 86% dhe kanë fibra që japin ndjesinë e ngopjes. Janë të pasura me potas i cili ka veti diuretike.

Shembulli i menusë

Dieta duhet të mbahet në tre ditë të javës, zgjidhini ju! Mëngjesi duhet të nisi me qershi të shoqëruara me qumësht soje dhe 1-2 feta bukë integrale. Vakti i ndërmjetëm mund të jetë një smoothie me qershi, kivi dhe banane. Për drekë hani një sallatë të madhe me finok, sallatë jeshile, rukola, domate e selino. Pasdite hani përsëri qershi dhe për darkë një fileto të pjekur mishi me rukola, djathë parmixhan dhe një fetë bukë integrale.

Do të jetë thuajse e njëjta menu edhe në ditët e tjera, veçse mishin mund ta zëvendësoni me peshk ose fileto pule dhe sallata mund të ketë përbërs të tjerë si perime të ndryshme. Qershitë mund t’I alternoni në smoothie ose të freskëta. Shtoni në dy ditët e tjera edhe pak bishtajore në sallatë si fasulet, bizelet ose thjerrëzat.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400