Lyerja e bukës me vaj ulliri ul rrezikun për sulm në zemër

01:41 / E premte, 12 Janar 2018

 

Lyerja e bukës me vajin e ullirit për gjashtë javë rresht, sipas shkencëtarëve, mund të ndikojë në uljen e rrezikut për të pësuar sulm në zemër.

Testet e reja kanë zbuluar se konsumimi i rregullt i vajit të ullirit në mënyrë dramatike i ka përmirësuar shenjat kimike në trup që ndërlidheshin me sëmundjet koronare të artereve.

Studimi i bërë prej ekspertëve nga Universiteti në Glasgou konfirmon përfitimet për shëndetin nga mënyra mesdhetare e të ushqyerit, sidomos për ata persona që nuk e konsumojnë rregullisht vajin e ullirit.
Studimi kërkonte shtimin e katër lugëve të vogla vaj ulliri në sallatë, te të rriturit, apo ishte përdorur edhe mënyra e lyerjes së bukës me vaj ulliri.

Pas studimit, në bazë të analizave që ishin marrë nga urina, ishte zbuluar se pas vetëm gjashtë javëve rreziku te këta persona për të pësuar sulm në zemër ishte ulur dukshëm.

Dr. Bill Mullen thotë se ‘nëse jemi në gjendje të identifikojmë shenjat e hershme të sëmundjes para se të kenë shansin të na sulmojnë, kështu që ne para tyre të fillojmë me trajtimin, para se të shndërrohen në problem që më pas kërkojnë trajtim dhe intervenim të kushtueshëm mjekësor’./Femina/

Të gjitha të drejtat janë të rezervuara © 2018 - Gazeta Infopress

Të fundit
Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400