Sa dini për limonin?

15:53 / E enjte, 17 Maj 2018

I verdhë si asgjë tjetër, me erë të mirë dhe flasim për limonin që nuk mungon asgjëkundi dhe është një aleat i pazëvendësueshëm i bukurisë sonë.

 I pasur me vitaminë C, limoni rekomandohet për parandalimin e patologjive të ndryshme, dhe mjaft i çmuar për bukurinë e lëkurës dhe të flokëve, perfekt për tu dhënë shije sallatave, ëmbëlsirave etj.

Por jo vetëm vitaminë C, limoni është i pasur me kalcium, magnez, kalium dhe antioksidantë. Si ta shfrytëzojmë më mirë? Ndiqni fotogalerinë!

 

Nise ditën në mëngjes me një gotë ujë të vakët, dhe lëngun e një limoni. Esëll kjo pije është ilaç për shumë funksione në trupin tonë.

Larësi më i mirë për fytyrën? Lëng limoni, kos dhe disa pika vaj esencial është fantastike për të pastruar dhe hidratuar lëkurën e fytyrës.

Fuqia pastruese e limonit njihet që nga lashtësia, për pastrimin dhe shkëlqimin e lëkurës, dhe kundër plakjes. Mjafton të shkrini një lugë sheqer në lëngun e limonit dhe aplikoni këtë locion përditë në fytyrë. Lufton dhe pikat e zeza dhe aknet.

Eksfoliues i mirë për buzët. Vendosni disa pika lëng limoni në buzë para se të flini dhe në mëngjes do keni buzë të buta.

Për flokë për tu pasur zili mjafton të përgatisni një maskë me lëng limoni të filtruar, vaj ulliri, vaj kokosi dhe mjaltë. Vendoseni në flokë të thatë, lëreni për 10 minuta dhe shpëlajeni. I mrekullueshëm dhe kundër zbokthit.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400