Tortë e mrekullueshme për vetëm 15 minuta: Ëmbëlsirë çokollate pa qumësht dhe vezë! (Video)

15:36 / E mërkure, 13 Qershor 2018

Për të gatuar këtë tortë nuk keni nevojë të shpenzoni shumë para, sepse për të nuk ka nevojë as për vezë as për qumësht, madje as për margarinë dhe gjalpë!

Dhe kur një herë ta provoni edhe ju do të vazhdoni ta gatuani shpesh! – transmeton Telegrafi.

Përbërësit:

▪ 1,5 filxhan miell
▪ një lugë e vogël sodë buke
▪ kripë sa mund të kapësh me një gisht
▪ 3 lugë kakao
▪ një filxhan sheqer
▪ një lugë e vogël uthull
▪ një lugë e vogël ekstrakt vaniljeje
▪ 5 lugë vaj
▪ 1 filxhan ujë
▪ 200 g çokollatë

Përgatitja:

Në enën për pjekje përzieni të gjithë përbërësit. Shtoni uthullën, vajin, sheqerin dhe ekstraktin e vaniljes dhe që të gjitha përzieni mirë.

Piqni në furrë të ngrohur në 180 gradë celsius rreth 35 minuta. Gjatë kësaj kohe në avull shkrini çokollatën me pak vaj dhe me të lyeni tortën e pjekur.

Sipas dëshirës zbukurojeni me krem të rrahur dhe me pemë freskuese.

Në video shikoni instruksionet e hollësishme dhe sa më parë gatuani këtë tortë shumë të shijshme!

 

 

 

 

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400