Amerikanët prodhojnë superveturën për të eksploruar Marsin

12:31 / E enjte, 18 Maj 2017

 

Një veturë për të eksploruar Marsin, është ekspozuar në Kompleksin për Vizitorët të Qendrës Hapsinore “Kennedy”, në Florida.

Zhvillimi i projektit të kësak veture ka nisur në nëntor të 2016-ës dhe ka përfunduar në muajin prill të këtij viti.

Projektimi dhe prodhimi i veturës është bërë nga “Parker Brothers Concept”, një kompani që merret me dizenjimin dhe prodhimin e veturave “të çuditshme”, për filma dhe prodhime televizive.

Vetura ka 6 rrota, është prodhuar tërësisht nga fibra karboni dhe alumini dhe punon me energji diellore.

Ajo është projektuar për të akomoduar katër astronautë dhe pjesa e pasme funksionon si një laborator i shkëputur, edhe pse ndoshta nuk do të udhëtojë kurrë për në planetin e kuq.

Ky mjet mund të arrijë një shpejtësi maksimale prej 95-110 km/orë, por ende nuk bëhet e ditur kostoja e tij.

NASA ende nuk e ka njoftuar zyrtarisht projektin, por video dhe imazhe të mjetit kanë filluar të shfaqen në rrjetet sociale, në fillim të kësaj jave.

 

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400