Apple mbetet lider i tregut të telefonave në SHBA

01:52 / E enjte, 09 Nëntor 2017

 

Sipas një raporti të ri nga firma e hulumtimit të tregut, Strategy Analytics, Apple mbajti vendin e parë në tregun e telefonave të mençur amerikan në tremujorin e tretë, megjithëse dërgesat e saj dhe pjesëmarrja në treg kishin zbritur.

Ndërsa shifrat e dërgesave për kompaninë me bazë në Cupertino ishin 12 milionë (nga 13 milionë sa ishin në të njëjtin tremujor të vitit të kaluar), pjesa e tregut të Apple ishte 30.4% (një rënie prej rreth 2%).

Samsung gjithashtu mbajti vendin e dytë, por dërgesat e saj dhe pjesa e tregut u rritën – nga 9.7 në 9.9 milionë, respektivisht 24.2% në 25.1%. LG, ZTE dhe Motorola gjithashtu mbajtën renditjen e tyre për të mbetur në pesë vendet e para.

Motorola meriton një përmendje të veçantë këtu, pasi kompania pothuajse dyfishoi dërgesat e saj si dhe pjesën e tregut në tremujorin e tretë. Kompania tani ka kapur mbi 5% të tregut të telefonave në SHBA.

“Kthimi i Motorola është nxitur nga shpërndarja e zgjeruar me të gjithë katër transportuesit më të mirë të SHBA, duke shitur modele të reja popullore si Moto Z2 Play”, thuhet në raport.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400