Dy të tretat e 18-vjeçarëve nuk e dinë çka është disketa e videokaseta

09:15 / E diell, 29 Prill 2018

Për dikë mund të jetë si e djeshme periudha kur videokasetat dhe disketat përdoreshin çdo ditë.

Për të lindurit pas vitit 2000, teknologjia e viteve ’90 është tërësisht aliene.

Është aq e huaj sa një studim i kryer thotë që dy të tretat e fëmijëve nga gjashtë deri në 18 vjet nuk e kanë idenë se çfarë është disketa, ndërsa gjysma e tyre kurrë nuk kanë dëgjuar për videokasetën, transmeton Koha.net.

Hulumtuesit në “YouGov” kanë testuar 2 mijë e 11 fëmijë me fotografi të pajisjeve të ndryshme teknologjike dhe u kanë kërkuar që të shkruajnë emrat e secilës pajisje.

Rezultati tregoi se dy të tretat e fëmijëve ose 67 për qind e tyre, nuk e dinin se çfarë është disketa ose e kanë identifikuar gabimisht.

Hulumtuesit kanë thënë se vetëm disa prej fëmijëve e kanë identifikuar si ikonë për ruajtjen e dokumenteve.

18-vjeçarët nuk kanë pasur ide se çfarë është teleteksti pasi 86 për qind e tyre nuk kanë mundur ta gjejnë se çfarë është.

Të rinjtë kanë mundur ta njohin vetëm një produkt të vjetër të viteve ’90: Kasetën dhe kasetofonin.

Image

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400