Hëna do të bëhet me 4G

15:36 / E mërkure, 28 Shkurt 2018

 

 

Gjigantët e telefonisë celulare, Vodafone dhe Nokia po përgatiten për të ngritur një rrjet telefonik 4G në Hënë brenda vitit 2019.

Rrjeti hënor 4G pritet t’u lejojë dy pajisjeve lëvizëse në sipërfaqen e satelitit të planetit tonë, të transmetojnë video HD, e do ta kthejnë atë në një stacion bazë në Tokë.

“Ne kemi dërguar dy anije në sipërfaqen hënore dhe po mbledhim shumë të dhëna shkencore, video HD dhe fotografi. Problemi është se nuk mund ta dërgojmë këtë sasi materiali drejtpërdrejt nga anijet në Tokë, pasi kërkon shumë energji. Kështu që, duke përdorur rrjetin 4G në Hënë, ne mundemi ta sjellim atë në planetin tonë, pasi ka shumë energji të disponueshme për ta bërë këtë. Aktualisht ne mundemi të bëjmë ‘stream’ disa video HD në kohë reale nga Hëna”, thotë Kate Arkless Gray, shkencëtare e PTS-së.

Por, a mundet Hëna të sigurojë mbulim me 4G, përpara se një gjë e tillë të ndodhë me pjesë të caktuara të Britanisë së Madhe?

“Shikoni, unë jam e njëanshme, sepse punoj për një kompani të hapësirës, por kemi shumë gjëra që po i përdorim çdo ditë në Tokë, që pikë së pari janë zhvilluar për t’u përdorur në hapësirë. Për shembull, kamera në telefonin tuaj celular përdor një sensor, që fillimisht është prodhuar dhe projektuar për një mision në hapësirë. Kështu që, ju kurrë nuk do ta dini sesa gjëra të mrekullueshme mundemi të mësojmë duke përmbushur këto misione të pabesueshme, siç është ky yni në Hënë”, tha më tej ajo.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400