Ja si duken iPhone-at që do të dalin në shitje këtë vit

07:49 / E enjte, 05 Korrik 2018

Fotografitë e reja, të cilat janë shfaqur në internet sot, tregojnë se si mund të duken dy nga tre modelet e reja të iPhonet të cilat priten të lansohen këtë vit.

Dizajni i këtyre dy modeleve në këto fotografi është i bazuar sipas informacioneve në lidhje me ta, të cilat janë shfaqur kohëve të fundit.

Këto fotografitë i ka publikuar uebfaqja NieuweMobiel.nl, dhe shfaqin pamjen e mundshme të iPhone X-it për vitin 2018 si dhe të modelit iPhone me ekran 6.1-inç LCD.

Apple për këtë vit planifikon të lansojë tri modele të reja të iPhonet: iPhone X 5.8-inç OLED (pasardhësi i iPhone X aktual), iPhone 6.1-inç me ekran LCD si dhe iPhone X Plus me ekran 6.5-inç OLED.

Siç mund të shohim nga fotografia, çmimi i ulët në modelin iPhone me ekran LCD do të arrihet duke hequr disa nga funksionet kryesore, si sistemin me dy kamera, përcjell Koha.net. Prerja (notch) e ekranit është ende e pranishme si dhe ekrani edge-to-edge pa skanerin për gishta.

Të tri telefonat e rinj iPhone 2018 pritet të lansohen në muajin shtator të këtij viti, ndërsa në treg do të jenë në dispozicion nga muaji tetor.

 

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400