Qasja në Wi-Fi të hotelit mund t’ju kushtojë me vjedhje të të dhënave personale, duke përfshirë ato bankare

00:18 / E mërkure, 14 Mars 2018

 

Cila është gjëja e parë që e bëni kur arrini në hotel gjatë pushimeve? Normalisht se futeni në internet përmes teknologjisë Wi-Fi.

Çdo gjë tjetër, përfshirë akomodimin, ngrënien, pirjen, etj., e bëni pasi të futeni në internet, transmeton Telegrafi.

Por një raport i ri nga ‘Today’ tregon se ka arsye të shqetësoheni për sigurinë e informacioneve personale gjatë kohës kur e përdorni internetin e hotelit.

Sipas ‘The Sun’, gazetari Jeff Rossen, bashkë me një ekspert të sigurisë, kishin krijuar pika të rrejshme interneti në Cancun, Meksikë, për të parë se sa e lehtë është vjedhja e informacioneve personale të mysafirëve.

Dyshja i kishin ‘mashtruar’ mysafirët duke e emëruar pikën e tyre të Wireless-it njësoj sikur atë të hotelit dhe kështu kishin pasur qasje në transaksionet e mysafirëve, në të dhënat e fluturimeve dhe në të dhënat bankare.

Pra, çfarë mund të bëni për një pushim të sigurt dhe pa brenga? Fillimisht sigurohuni se jeni duke u lidhur në Wi-Finë zyrtare të hotelit. Por gjithashtu përpiquni ta shënoni gabimisht edhe fjalëkalimin e Wireless-it sepse pikat e rrejshme të lënë të qasesh edhe nëse e shkruan atë gabim.

Rossen dhe eksperti i sigurisë gjithashtu sugjerojnë ta shtypni ‘Forget this network’ kurdo që largoheni nga hoteli, në mënyrë që asnjëherë të mos qaseni automatikisht në atë Wi-Fi pa dijeninë tuaj.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400