Pasi Eliza Dushku e pranoi se ishte përdhunuar, nëna e saj tregon si e la vetë në hotel

12:58 / E diell, 14 Janar 2018

 

Ditën e djeshme Eliza Dushku tronditi me një deklaratë të fortë teksa për herë të parë përmes një postimi të gjatë në Facebook, tregoi se ishte abuzuar seksualisht kur ishte 12 vjeçe nga një koordinator i dublantëve në film, Joel Kraner.

Por pas dëshmisë së fortë, komentet kanë qenë shumë negative për nënën e saj, pasi Eliza tha se i kishte treguar se çfarë kishte ndodhur por nuk kishte marrë asnjë ndihmë prej saj.

Përmes një komenti në statusin e Elizës, ka reaguar edhe nëna e saj Judith, e cila shkruan:

“E pranoj ndëshkimin tuaj, si mamaja e Elizës.

Jo, nuk kisha frikë se ai do t’i prishte punë me karrierën, sepse për mua s’ka asnjë vlerë. Edhe unë kisha frikë nga Joel Kramer. Vetëm vite më vonë e kuptova plotësisht se çfarë kishte ndodhur. Në atë kohë, Eliza ishte shumë e frikësuar dhe nuk e tregonte të gjithë historinë.

Mendoj se në një mënyrë, po përpiqej të më mbronte duke mos e ditur sepse ajo e dinte sa frikë i kisha burrat e pushtetshëm në sheshxhirim.”

Judith i kthen përgjigje komentit të një vajze, e cila i shkruan se në një rast të ngjashëm, mamaja e saj nuk e kishte lejuar diçka të tillë të.
ndodhte: “Falenderoje mamanë tënde për atë çfarë ka bërë për ty. Do të doja të kisha qenë po aq e guximshme.”

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400