Zbulohet surpriza që ka rezeruar Marina Vjollca, të gjitha detajet për emisionin

19:14 / E enjte, 12 Tetor 2017

 

 

​Që prej lajmit se Marina Vjollca do të braktisë ‘Top Channel’ për t’u zhvendosur në televizionin ‘Klan’, të gjithë kanë qenë kuriozë për të mësuar se cili do të jetë programi i ri që do të rikthejë në ekran bjonden simpatike.

Dhe mesa duket sekreti më në fund është zbuluar.

Siç bën të ditur ‘Blitz.al’, programi i ri muzikor i Marinës me titull ‘C’est la vie’ do të nisë më 22 tetor dhe do të shoqërojë publikun për 11 javë. Në çdo seri të spektaklit, do të shpallet nga një çift fituesish, që do të përbëhet nga një këngëtar profesionist dhe një personazh tjetër i famshëm që nuk ka aspak lidhje me këngën. Fituesit, që duhet të performojnë aq mirë sa të mos dallohet amatori nga profesionisti, do të përzgjidhen nga një juri që do të përbëhet nga 4 profesionistë.

Burime të ‘Blitz.al’ bëjnë me dije se disa nga personazhet që do të marrin pjesë në spektakël do të jenë: Jonida Vokshi, Erisa Xhixho, Jonida Spahiu, Ylli Limani, Anxhela Peristeri, grupi Offchestra, Ervin Bejleri, Big Mama etj.

Të gjitha të drejtat janë të rezervuara © 2017 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400