Ancelotti Arsenalit – Në Arsenal vetëm nëse keni projekt të duhur

21:46 / E premte, 20 Prill 2018

 

Teksa kanë kaluar rreth 7 muaj që kur u shkarkua nga Bayerni, Carlo Ancelotti duket se tashmë është i karikuar dhe i gatshëm për t’u rikthyer.

Në një deklaratë për mediat, nga Gjeneva ku ishte për një aktivitet të UEFA’s, italiani tha se është në pritje të projekteve interesante.

“Ndihem gati për t’u rikthyer të trajnoj, por nuk varet vetëm nga unë. Nëse do të më ofrohet projekti i duhur për t’u rikthyer, atëherë do të isha i lumtur”, tha Ancelotti.

Emri i Ancelottit është në krye të listës së kandidatëve për të marrë drejtimin e Arsenalit në fund të këtij sezoni dhe për të zënë vendin e Arsene Wenger, që sot zyrtarizoi përfundimisht largimin.

Më herët e ardhmja e Ancelottit u lidh edhe me stolin e përfaqësueses italiane, por vetë tekniku e refuzoi, duke thënë se ka ende dëshirë të drejtojë klube, për të qenë më aktiv.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400