Chelsea dhe Leicesteri luajnë pa gola

18:10 / E shtunë, 13 Janar 2018

 

Chelsea nuk ka arritur më shumë se një barazim pa gola kundër Leicester Cityt në Stamford Bridge.

Wilfred Ndidi pati një prej rasteve më të mira në fillim të ndeshjes, mirëpo goditjen e tij me kokë e ndali Thibaut Courtois.

(Foto: Getty Images)

Në fund të pjesës së parë, Cesc Fabregas rrezikoi portën kundërshtare, por reagimi i Kasper Schmeichel i pengoi Blutë që të kalonin në epërsi.

Nga minuta e 68-të, mysafirët luajtën me një futbollist me pak, pasi Benjamin Chilwell u përjashtua me kartonin e dytë të verdhë.

(Foto: Getty Images)

Mirëpo, përkundër epërsisë numerike në fushë, nikoqirët nuk ia dolën ta shënojnë golin e fitores.

Tiemoue Bakayoko ishte njëri prej futbollistëve që rrezikoi kur afrohej fundi i ndeshjes.

(Foto: Getty Images)

Pas 23 ndeshjesh, Chelsea mban vendin e tretë në tabelë, me pikë të barabarta me Manchester Unitedin që është në vend të dytë, por ka një ndeshje më pak të zhvilluar.

Kundërshtari i ardhshëm i Bluve në Ligën Premier është Brighton & Hove Albion.

(Foto: Getty Images)

Duhet theksuar se në këtë takim, u lëndua kapiteni i Chelseat, Gary Cahill,i cili do të mungojë në disa ndeshje të rëndësishme.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400