Fury do duel me Joshuan, por i kërkon 50% të fitimeve

10:36 / E martë, 17 Prill 2018


Eddie Hearn, menaxheri dhe promotori i boksierit kampion bote Anthony Joshua (mban titujt e kategorive IBF, WBA dhe WBO), ka konfirmuar edhe një herë se Tyson Fury ka kërkuar një ndarje 50-50 të të ardhurave nga një duel mes tyre.

Jo vetëm kaq, por Fury (i pamposhtur në ring) ka kërkuar që të zhvillojë edhe 4 duele të tjera të lehta para se të kryqëzojë dorezat me Joshua, në një “derbi britanik” në peshat e rënda në boks. “Kam qeshur kur Fury më ka bërë këtë propozim. Është e paimagjinueshme që Fury të marrë një shumë të njëjtë me Joshua”, tha Hearn.

“Fury nuk dëshiron që ta zhvillojë tani duelin me Joshua, por pas një viti, pasi të ketë zhvilluar 3-4 duele të lehtë, ndaj rivalëve pa shumë pretendime. Kam biseduar me të dje, ai është një njeri me karakter të fortë. Më telefonoi dhe mër kërkoi që të duelojë me këta boksierë të lehtë. Madje më ka dërguar edhe një listë me emra dhe më pas më kërkoi 50% të fitimit në duelin me Joshua”, u shpreh Eddie Hearn në lidhje me ofertën e Fury. Ky i fundit ka konfirmuar se pas 2 vitesh e gjysmë pushim, do të rikthehet në ring më 9 qershor, në një duel që do të zhvillojë në Manchester.

Të gjitha të drejtat janë të rezervuara © 2018 - Gazeta Infopress

Foto Lajm

Materialet dhe informacionet në këtë portal nuk mund të kopjohen, të shtypen, ose të përdoren për qëllime komerciale, pa miratimin e grupit medial. Çdo kopjim dhe publikim i paautorizuar paraqet shkelje të të drejtave të autorit dhe të pronës intelektuale dhe si i tillë sanksionohet me dispozitat ligjore në fuqi.

E-Mail: [email protected], Tel: +386 49 102 742, +377 44 587 400